Bajqinovci i del në mbrojtje shefit: Opozitës i ka humbur koncentrimi, nuk po munden me zënë vend askund

17:15 | 8 Tetor 2022
E.H

Deputeti i Lëvizjes Vetëvendosje, Mefail Bajqinovci përmes një statusi në rrjetin social Facebook, ka kritikuar partitë opozitare në Kuvendin e Kosovës.

Ai thotë se partitë opozitate po e akuzojnë se Kurti ka hyrë në negociata për Asociacionin në këmbim të liberalizimit të vizave, duke shtuar se opozitës i ka humbur koncentrimi.

“S’po mund të zënë vend askund. Pse e kanë këtë siklet, ata e dinë më mirë!”, ka shkuar Bajqinovci.

Postimi i tij i plotë:

Filluan shqetësimet e opozitës për liberalizimin e vizave.

Njëherë thonë se është meritë e të gjithëve, e sidomos e opozitës.

Tash po thonë se Albini ka hyrë në negociata për asociacionin në këmbim të liberalizimit të vizave.

Opozitës i ka humbur koncentrimi. S’po mund të zënë vend askund. Pse e kanë këtë siklet, ata e dinë më mirë!

Anipse liberalizimi dhe shampanja ka ndodhur pardje./arbresh.info/